The night I met Jessica Sanchez (Dream come true, baby blue!)

Late post:

Last year ko pa alam na may solo concert sa ‘Pinas si BB Chez on VDay of 2013. As in, first concert without the backing of American Idol. Hindi naman ako nagbalak kahit noon pa man na manuod dahil alam na alam kong mahal ang ticket. At ‘di nga ako nagkamali dahil ang VIP pass ay nagkakahalaga lang naman ng P10,560 (kulang pa ang isang payday ko) at ang GA naman ay P795 (na para ka na lang nanuod sa TV ang labas). So ayon, nakuntento na lang ako sa pagbasa-basa ng updates tungkol sa kanya at sa VDay concert n’ya.

At nito ngang Feb. 10 ng umaga lumapag ng ‘Pinas si Jessica. So, kiber pa rin ako. ‘Di rin ako nagbalak na pumunta ng NAIA para mag-abang dahil ang layo at may trabaho pa ako kinabukasan. At ang OA na no’n! Kaya sabi ko sa sarili ko, wala na namang pag-asa na makita ko siya sa second visit niya sa ‘Pinas. Baka next time na lang ulit. Pero, sayang talaga! Alam mo ‘yong sa sobrang gusto mong makuha ‘yong gusto mo, hahanapin mo lahat ng posibleng paraan para mangyari ‘yon? Gano’n!

Screen grab from my FB account

Second day ni Jessica sa ‘Pinas. Feb. 11. ‘Di ko naman akalaing matutupad ng ganoon kabilis ang hiling ko na pumunta siya ng ABS-CBN. PM shift ako sa trabaho. Mga past 10PM na no’n kaya medyo haggard na ako sa pag-quota. May nag-text. Editor ko pala na off that day at nanunuod ng “Bandila” sa bahay. Sabi sa text (not her exact words), “Ateng guest si Jessica sa Bandila!” Sumikdo ang puso ko pero agad kong inagapan kasi ayoko ring ma-disappoint. “Eh baka taped outside ateng!” Text back ko naman. Maya-maya nag-text ulit. “Ateng, live daw!” Ang puso ko talagang nalaglag na sa tamang pwesto.

Hinila ko agad ang isang officemate ko at lakad-takbo ang ginawa namin papuntang ABS-CBN main building. Pagdating namin malapit sa dressing room niya, wow, ang daming tao! At ang lalaki ng katawan ng mga security staff from Ovation Productions. At huwag ka, may sariling PR team ang lola Jessica mo! Hintay-hintay rin kami sa hallway. At NKKLK! Literal na nangangatog ang tuhod ko. ‘Di ko alam kung dahil ba sa lamig ng aircon o sa nerbyos o excitement o kung ano pa man. Sabi no’ng isang beki na naghihintay rin kay Jessica, okay na raw kahit masulyapan lang niya si BB Chez. Mukha raw kasing imposibleng makalapit dahil ang daming bantay. Hintay-hintay, hintay-hintay.

And there she was! Coming out of her dressing room in her glittery, mini black dress and maybe four-inch high heels. Nakakulot mayaman at simpleng makeup. Katamtaman lang ang height (minus the heels), kayumanggi at talagang slim. ‘Di ko alam kung paano mag-re-react sa mga unang segundo ng moment na ‘yon. Pilit pang pinoproseso ng utak ko na nakikita ko siya live! As in, abot-kamay. Muntanga talaga kami sa pagsunod sa kanya hanggang sa labas ng studio ng “Bandila”. Nag-aalangan pa kami na humiling ng photo op.

No’ng pinayagan kami ng security guards na pumasok sa studio at magpakuha ng picture kapag commercial break eh, talagang wala na kaming sinayang na sandali. Kaso dahil sa sobrang dami talaga ng fans ay mahirap makatiyempo. At kahit nanggagalaiti na sa galit ang floor director ng show dahil last three minutes na lang at on air na ulit sila eh, pinilit ko pa ring makapagpakuha ng litrato. At nagawa ko pa talagang sabihin sa kanya na, “You’re so lovely!” Then she held my hands and replied, “Ah… you, too!”

Ang mga sumunod na nangyari ay ‘di na malinaw sa akin. Basta ang alam ko, ang lakas ng tibok ng puso ko habang papabalik kami ng office. Sabi nu’ng kasama kong officemate, muntanga raw ako dahil talun ako nang talon at namimilipit sa saya. Hahaha!

Grabe. Purung-purong kaligayahan ang naramdaman ko no’n. Sulit na sulit kahit na alas dos na ng madaling-araw ko natapos ang trabaho ko na naantala dahil sa fangirling moment ko. Grabe. Natutupad talaga ang mga sinserong hiling. Nagkakatotoo talaga ang mga pangarap.

Photo c/o my officemate Mica Ella Balindan

P.S.

Jessica will be back in PH in June to promote her debut album “Me, You & the Music” and I’m hoping to get more pictures of us together. *fingers crossed*